Kajiṃweik System eo Ad kōn Wānōk n̄an Ri-Bōd

Brennan Center, juon jikin kakien ejjeļọk an kalijekļọk, ej kile “kōttōpar eo an Amedka ñan leļọk kaje ekkā an ejjeļọk kōjparok ñan armej, eļap an wor kalijekļọk ñan armej ro rejjab mouj, im leļọk iien kalbuuj ko eļap aer lab


Jej aikuj bar ļōmņak kōn kōttōpar ko ad ñan ājmuur eo an armej im lale wāween ad bar kōṃṃane jikin pukote jiṃwe eo ikijjien bōd ko reļap kōn jeṃļọk ko raar kōṃṃan jān kein kaṃool im rej kadikļọk jorrāān im loloodjake jiṃwe in jerbal ñan aolep. Jej kōṃṃan an jukjuk in pād ko ad ejjeļọk jorrāān im jab leļọk owōj ko reļap ñan armej ro rej kōļļā owōj ilo ad kōkajoor jipan̄ ko an jukjukin pād im baaṃle ko rej bōklōñtak baaṃle ko, ejjab kōn ad kalbuuji million in armej.


Celeste ej tōmak kaje ko ñan armej ro eṃōj leļọk kaje kōn jorrāān ko raar kōṃṃani rej aikuj ļoor jorrāān eo im aikuj koba wāween aer maron̄ oktak, ebbōk jipan̄ ikijjien jorrāān eo, im jeļāļọkjeņ. Aorōktata, wāween eo kōn ta eo ejjeļọk kalijekļọk ak jiṃwe aikuj bar jerbal ilo an ejjeļọk kalijekļọk kōn jowi, armej ak joñan jāān eo an. Elukkuun aorōk bwe jen joļọk jikin jerbal eo ej pukote jiṃwe kōn jerbal in kalijekļọk ej leļọk iien kalbuuj ko reaitoklok ñan armej in kalor im armej ro edik deļọn̄ ko aer.


Eutiejtata joñan ri-kalbuuj ilo Amedka ipeļaakin laļ in kōn ļapļọk jān 2 million armej ilo jikin kalbuuj. Jej kōļļā eļapļọk jān $70 billion ilo juon yiō ñan kalbuuj, likūt, im lale armej rein. Celeste ej tōmak wāween eo ejejjet tata in kabōjrak jorrāān in kalijekļọk im nan̄inmej ko rej kōṃṃan an waļọk ṃakūtkūt nana kein. Jemaron̄ kadikļọk kōjenolọk in armej ilo ad bar kōṃṃan kajoor im wāween ko bwe ro raar kōṃṃan jorrāān im kaṃōj ien kalbuuj ko aer en bar wor iien aer kōṃṃan oktak.


Katak ko rej kowaļọk ke aolep $1 ej etal ñan jeļāļọkjeņ eo an ajri jiddik, jej kọkoņ $7 kōnke ajri ro enaaj ļapļọk aer jab kōṃṃani jorrāān ko reļap ak kalbuuj tokālik. Celeste ekōņaan leļọk jāān ñan ajri ñan leļọk ilju im jekļaj eo eṃṃan jān an leļọk jāān eo tokālik ñan naajdik, kakiki, im kalbuuj rūtto.


Eṃṃan ippān Celeste kajiṃwe jikin jerbal eo eļap an kalbuuj ñan juon jikin eo enaaj:


  • Kabōjrak an wor kōjparok ikijjien bōd ñan bwilijmāāņ ro im ekkā kōjerbal ñan kōjparok er jān an wor aer bōd kōn aer leļọk jorrāān im kōṃṃane ṃwilin ko rebōd.

  • Enaaj aikuj an dikļọk kalijekļọk m wor katak in kamminene kōn oktak in laļ ko an armej ñan ro rej jerbal in kapen kakien

  • Kabōjrak būrookraaṃ eo an federal 1033 ilo an leļọk kein uror ko an ri-tariņae ñan obij ko an bwilijmāāņ ro ilo bukwōn ko

  • Ej kūr bwe en wōr likio in etale ko rej kōṃṃan jān nabōj ilo iien juon armej enaaj mej jān juon bwilijmāāņ

  • Kakien bwe bwilijmāāņ ro rej kōjerbal kein pija im bideo ko rej pād ānbwinnir im iloan wa ko waer

  • Kabōjrak iaļ eo jān jikuuļ ñan jikin kalbuuj ilo ad loloodjake an aolep armej maron̄ bōk jeļāļọkjeņ eo eutiej joñan im ej ioon aikuj ko aer; im ej kōṃṃane aolepan men eo emaron̄ ñan kōṃṃan joñan an bwilijmāāņ ro bōk kuņaer ilo kajiṃwe ṃwilin ilo jikuuļ, im leļọk ñan jikuuļ ko rijerbal in koonjelor, social work, im nōōj im ejjab bwilijmāāņ

  • Kabōjrak iṃōn kalbuuj ko rej peejnej im kōṃṃan aer jāān jān ri-kalbuuj im armej ro rej kōļļā owōj

  • Kabōjrak ‘kalbuuj an ri-muri” an raan kein rej muri ilo ad joļọk muri im wōņean ko reļap an jikin ekajet

  • Kabōjrak aikuj ko an iien kalbuuj ko rediktata joñaer

  • Bar kajuuri bōjrak eo an kaje in mej an federal

  • Lale wāween bōbrae jerbal in kōjenolọk ilo an menin aikuj bwe ri-kalbuuj ro rej leļọk iien ñan ebbōk jeļāļọkjeņ im katak in kamminene ko

  • Bar kajuuri maron̄ in vote ko an armej ro eṃōj aer diwōj jān kalbuuj im rej anemkwōj in mour iloan jukjukin pād eo

  • “Kōmọ bọọk eo” ilo an kōmọ an rijerbal ro kōjerbal juon bọọk in kakōļļe ilo ablikājōn ko aer rej kajjitōk elaññe ewōr an armej eo ej kateruru rekoot in kōṃṃan bōd in kakien ko reļap

  • Kōmālim ilo kakien kōjerbal marijuana ilo alen federal, kōṃṃan owōj kake bwe en jerbal wot ñan wūnook loḷātāt im kōṃadṃōdin jipan̄ ro ānbwinnir ej aikuji, im joļọk bōd ko an ro raar ebbōk marijuana ilo tōre ko moktaļọk

Kōļļā jān ippān Kumi in Kareelel eo ñan Celeste Williams

Leļọk jāān in jipan̄ ko remaron̄ mael lok ñan P.O. Box 5625, Bella Vista, AR 72714