Ukōte Wāween Ad Ṃadṃōde Immigration

An armej eṃṃakūtkūt ear waļọk jān iien eo armej ej waļọk. Kile ke ṃakūtkūt in armej ej kōn an wor jorrāān ak aikuj, elukkuun aorōk bwe laļ ko re ṃweiie ren kōjparok kakien in immigration ko aer im ewōr būroṃōj, kōṃadṃōd, jejjet, im jiṃwe, kakien ko rej kaaorōk kabel im jerbal ko reļap an armej in laļ ko jet rej pukote juon mour eṃṃan. Kakien kein remaron̄ tōprak ilo an ejjeļọk jelōt ñan kōjparok eo an laļ eo ad.


Williams ej tōmak jej aikuj kajju bōk kuņaer ñan kōṃṃan oktak eo elikio ikijjien immigration im enaaj pinej jenkwan kakien ko remour im jej pāddo kōṃṃan kakkobaba ko reddik kōn juon kein jerbal in immigration ekāāl. Kein jerbal in immigration eo ad aikuj jipan̄ aikuj ko an baaṃle ko rej eṃṃakūt kōn jorrāān, im bin mour ej waļọk jān jorrāān in mejatoto im jorrāān ko reļap rej waļọk; jikin jerbal ko eļap aer loe an dik jerbal ko reaorōk āinwōt jerbal ilo atake ñan kompūta programming; im ro ejjeļọk aer peba in deļọn̄ im eṃōj aer imminene in mour ilo laļ in im rej ri-Amedka āinwōt kij.


Baaṃle ko rej wūnin ekkal in jukjukin pād ko ad, im kōjparok baaṃle ko ippān doon ej aikuj ṃōttan aorōk eo ilo ad kōṃṃan oktak ko ikijjien immigration.


Ilo iien eo enaaj ṃōj kāālōt ñan Congress, Williams enaaj kajjitōk bwe en kajju bōjrak an baaṃle ko jenolọk ilo border eo im barāinwōt likio in etale ko renaaj kakobaik eļapļọk jān 5,400 ajri ro rej pād iuṃwin eddo eo an Amedka jān ippān Administration eo an Trump bwe ren rọọl ñan baaṃle ko aer. Jej aikuj loloodjake bwe jerbal nana in en jab bar waļọk.


Āinwōt juon nōōj an baaṃle im kar juon jinen ajri in foster, Williams ejeļā kōn an aitok jorrāān ñan kōjenolọk im kalbuuj kein rej kōṃṃan im ej tōmak ko ro eṃōj aer jelōt jān wāween kein maron̄ elo jipan̄ in kōjparok mour ikijjien ānbwin im loḷātāt ñan jipan̄ er kōkajoor.


Williams ej jipan̄ juon jikin jerbal in immigration enaaj:

  • Likūt ļapļọk in aorōk ikijjien kabel in jerbal im ejjab laļ eo juon armej ear ejaak jāne ñan aer ļōmņak in leļọk an peba in kōmālim ñan jerbal

  • Kobaiki juon peba in kōmālim in jerbal an juon ṃōttan ñan kōļapļọk jerbal in kakien ñan kajjojo armej ro rejjab kōņaan eṃṃakūt tok ñan indeeo bōtaab ewōr aer kabel in jerbal jikin jerbal ko an Amedka rej aikuj

  • Leļọk bwe baaṃle ko jān laļ ko jet rej eṃṃakūt jān jorrāān ak bin mour jān oktak in mejatoto im jorrāān ko rej waļọk

  • Leļọk juon iaļ ñan citizenship ñan ro rej pād ilo DACA im maron̄ in jokwe ñan jineir im jemeir

  • Kaaorōk bwe baaṃle ko ren pād ippān doon

  • Kanne jikin jerbal ko ejjeļọk rijerbal im jipan̄ an eddekļọk laļ eo

  • Kōjparok im kōkōṃanṃanļọk etale im jerbal eo aikuj ñan kōjparok eo an laļ eo

  • Epidodo ñan meļeļe im ļoor

Kōļļā jān ippān Kumi in Kareelel eo ñan Celeste Williams

Leļọk jāān in jipan̄ ko remaron̄ mael lok ñan P.O. Box 5625, Bella Vista, AR 72714